Комсомольски округӗнче пысӑк инкек пулнӑ: 3 ҫын сӗрӗмпе наркӑмӑшланса вилнӗ.
Ку Инкек Тӑманлӑ Выҫли ялӗнче ҫӗртме уйӑхӗн 2-мӗшӗнче кӑнтӑрла пулнӑ. Пӗр ҫуртра 1956 тата 1973 ҫулсенче ҫуралнӑ арҫынсен тата 1971 ҫулхи хӗрарӑм виллисене тупнӑ. Вырӑна район прокурорӗн ҫумӗ Дмитрий Бородин ҫитнӗ.
Малтанлӑха палӑртнӑ тӑрӑх, вӗсем газ котелӗнчен тухнӑ сӗрӗмпе наркӑмӑшланса вилнӗ. Унӑн тӗтӗм тухмалли ҫулне тӗрӗслесен ҫакӑ паллӑ пулнӑ: ӑна вутӑпа хутмалли кӑмакапа сыпӑнтарнӑ.
+26.9 °C